ARRATSALDEKO ARIKETA

"Por antecomedores y galerias salió a patios iguales y repetidas veces al mismo patio. Subió por escaleras polvorientas a antecámaras circulares; infinitamente se multiplicó en espejos opuestos;... En el segundo piso, en el último de la casa le pareció infinita y creciente. La casa no es tan grande - pensó -. La agradan la penumbra, la simetria, los espejos, los muchos años, mi desconocimiento, la soledad."  Jorge Luis Borges

Marrazki honetan espazio mugatua eta mugagabearen arteko liskarra adierazi nahi izan da, baita ere erreala eta irreala denaren artekoa.

Hasiera batean testu zatiak esaten duen "infinita y creciente" hitzak adierazi nahi izan dira, ispilu kontrajarriek sortuko duten espazio infinitu eta irreala, alegia. Espazio irreal-mugagabe hori, erreal bihurtzeko asmotan ezkerreko eta eskumako plano gorriak ez dira simetrikoak. Gorriak izatearen arrazoia ez da garrantzitsua, beltz ilunarekin kontrastatzeko kolore aproposa dela soilik. 

Espazio mugagabe hau marko baten barruan sartuko da ispilu bat izango balitz bezala, beharbada kontrajarria egongo da beste ispilu batekin edota baliteke ispilu bat ez izatea leiho bat baizik eta ikusten dena espazio erreala izatea. 

Ondorio moduan esan genezake, espazio irreal bat, espazio arkitektoniko eta erreal batean bihurtzeko nahia egon dela.

Bio-babeserako zentrua + txabolak Gasteizeko mendietan

Eremu hau aukeratuko da bio-babeserako zentrua kokatzeko. 

Geografikoki toki ona da, ez da oso maldatsua eta ibilbidearen erdigunean kokatzen da. Hala ere, arrazoi nagusia ez da hau. 

Pinuen deforestazioa dela eta, margoztuta dagoen gunea hutsik geratu da azken urtean, bertako fauna eta flora hautsiz.

Beraz programako puntu garrantzitsu bat bihurtuko dugu. Bio-babes zentruaren parte izango den plantazio bat proposatuko da Gasteizko mendietako zuhaitz espezie ezberdinekin osatua.

Zentruak espezie hoiekin inbestigazioak egin ahal izango ditu eta modu honetan espezien babesa ziurtatuko da.

Deforestazioarekin habitat-a galdu duten animalientzako bizilekua izango litzateke, eta baita ere, zentruan sendatuko diren animalientzako behin-behineko bizilekua.

Argazkietan ikusten den bezala zuhaitz kantitate handiko mendigunea da. Zuhaitzen arteko distantziak ez dira handiak eta eraikitzeko orduan honek bota egin beharko lirateke. Ez zen sentsuzkoa izango plantazio bat egin nahi den lekuan zuhaitzak moztea eraiki ahal izateko, beraz, proiektatzerako orduan kontuan izango da. Ahalik eta zuhaitz gutxien moztuko dira eta hau lortzeko bio-babeserako zentruaren erabilerak 5x5-eko modulotan sartuko dira eta modulu hauek zuhaitzen artean kokatuko dira, ingurura moldatuz. Era berean antolatuko dira txabolak, 5x5-eko egitura moduloan.

Deforestazioa gertatu den tokian plantazioa egingo da. 6 zuhaitz espezie bereizi dira: erkameztiak, pagoa, lizarra, haritza, makala eta urkia. Batzuen enborretik sare-metalikoa lotuko da kaiola natural batzuk sortzeko, animaliak sendatzen bukatzeko.

Bio-babeserako zentroko bolumenak erabileren arabera bananduta daude: lehenengoa informazio zentrua, hurrengo biak aldagela-komunak, laborategiak, herbarioa eta sendategia. 5 metroko egitura tartea dute, 5x5 m-ko moduluak sortuz.

 Egurrezko egitura portikatua erabiliko da eta solairua lurretik 0,9 metrotara egongo da isolamendua hobetzeko eta baita ingurumenean aldaketa handirik ez egiteko.                           

                                       

 Txabolek egitura tarte berdina dute, 5x5 m. Ingurura moldatzeko koskak egingo ditugu, modu honetan ez dugu zuhaitzik moztu beharko.